حسن علی تاحال کورونا پازیٹو ہیں، پی سی بی کی تصدیق

لاہور( سپورٹس ڈیسک) دورہ جنوبی افریقہ کیلئے قومی ٹیم میں شامل فاسٹ باؤلر حسن علی کا کورونا وائرس کا شکار ہونا معمہ بن گیا۔پی سی بی ذرائع نے اس بات کی تصدیق کی ہے کہ فاسٹ باؤلر حسن علی تاحال کورونا پازیٹو ہیں، پی ایس ایل کے دوران کورونا وائرس کا شکار ہونے والے حسن علی کا وائٹ بال سکواڈ کے دیگر ارکان کی طرح اپنے شہر میں کووڈ 19 کا ٹیسٹ ہوا جو کہ مثبت آیا۔ پی سی بی کی طرف سے جمعرات کو ان کے کئے گئے دوسرے ٹیسٹ کی رپورٹ بھی مثبت آئی، جس کی وجہ سے انہیں ابھی تک قومی ٹیم کا کیمپ جوائن کرنے کیلئے لاہور سفر کرنے کی اجازت نہیں دی گئی ہے ۔ذرائع نے مزید بتایا ہے کہ دو ٹیسٹ کی رپورٹ مثبت آنے پر حسن علی کا ایک اور جگہ سے کورونا کا ٹیسٹ ہوا جس کا نتیجہ منفی آیا مگر پی سی بی اپنے پروٹوکولز کے مطابق حسن علی کا ایک اور ٹیسٹ کر ائے گا اور ٹیسٹ کا نتیجہ منفی آنے کی صورت میں فاسٹ باؤلر کو گوجرانوالہ سے لاہور بلایا جائے گا اور پھر انہیں دو دن کی آئسولیشن مکمل کرنی ہے ، اس دوران انہیں قومی ٹیم کو جوائن کرنے کی اجازت ہو گی۔اس صورت حال میں حسن علی کی جنوبی افریقہ روانگی غیر یقینی ہے ۔