جوبائیڈن کا روسی صدر پر الزامات، امریکا معافی مانگے ورنہ تعلقات تباہی کے دہانے پر ہیں،روس

واشنگٹن/ماسکو روسی سینیٹر نے صدر ولادی میر پیوٹن کیخلاف دئیے گئے بائیڈن کی بیان کی مذمت کرتے ہوئے کہا کہ ایسے بیانات سے دونوں ممالک کے مابین کشیدگی بڑھے گی

جوبائیڈن نے پیوٹن کو قاتل قرار دے دیا،ہر کوئی دوسرے کو اپنے جیسا سمجھتا ہے،صدر پیوٹن

امریکا معافی مانگے،امریکی صدر جوبائیڈن نے روسی صدر ولادی میر پیوٹن کو قاتل قرار دیتے ہوئے کہا کہ انہیں عنقریب قیمت ادا کرنا پڑے گی، میری نظر میں وہ امریکی شہریوں کے قتل کے ذمہ دار ہیں جس پر روسی صدر نے طنزا کہا تھا کہ ہر کوئی دوسرے کو اپنے جیسا سمجھتا ہے۔

عالمی میڈیا کے مطابق امریکی صدر جوبائیڈن کے بیان نے روس اور امریکا کے درمیان کئی سالوں میں سب سے بڑے بحران کو جنم دیا ہے جبکہ ماسکو نے امریکا سے اپنے سفیر کو بھی واپس بلالیا ہے اور خبردار کیا ہے کہ تعلقات تباہی کے دہانے پر ہیں

امریکی حکومت کی جانب سے روسی صدر ولادی میر پیوٹن پر امریکی صدارتی انتخابات سے متعلق سنگین الزامات کی بوچھاڑ کی گئی تھی جس پر روسی فیڈریشن کونسل کے ڈپٹی اسپیکر سینیٹر کونسٹنٹن کوساچیف نے سخت ردعمل کا اظہار کیا ہے،انہوں نے کہاکہ امریکا اپنے سنگین بیان پر معافی مانگے ورنہ بات یہاں ختم نہیں ہوگی،

صدر یا مملکت سے متعلق ایسے بیانات کو کسی صورت برداشت نہیں کیا جائے گا،کونسٹنٹن کوساچیف کا کہنا تھا کہ ولادی میر پیوٹن سے متعلق امریکی صدر بائیڈن کے بیانات دونوں ممالک کے تعلقات پر منفی اثر ڈالیں گے،روسی سینیٹر نے کہا کہ امریکا میں تعینات روسی سفیر کو مشاورت کے لئے واپس بلایا جانا فوری اور مناسب ردعمل ہے لیکن امریکا نے معافی نہیں مانگی تو بات یہاں ختم نہیں ہوگی۔