مہوش حیات اسلام آباد میں میوزک کنسرٹ پر برہم
کراچی : ٹوئٹر پر ایک ویڈیو شیئر کی گئی جو اسلام آباد میں ہونے والے میوزک کنسرٹ کی تھی۔ویڈیو شیئر کرتے ہوئے سوالیہ انداز میں لکھا گیا کہ ‘کیا کورونا وائرس صرف تعلیمی اداروں میں ہے ؟مہوش حیات نے اس ٹویٹ پر اپنا ردعمل دیتے ہوئے لکھا کہ ‘بہت سارے لوگوں کے ساتھ براہ راست میوزک کنسرٹ کا انعقاد ہونا بہت مایوس کن ہے جبکہ ہم ابھی بھی عالمی وبا سے آزاد نہیں ہیں۔ اداکارہ نے لکھا کہ ‘کورونا کے خطرناک معاملات ایک بار پھر عروج پر ہیں اور اب ہمیں اس وبا کی تیسری لہر کا سامنا کرنا پڑرہا ہے ۔اْنہوں نے لکھا کہ ‘آئیے ایک ذمہ دار انسان بنیں کیونکہ جان ہے تو جہان ہے ۔