لندن : ان کی آخری رسومات 17 اپریل کو ونڈسر کیسل میں ہوں گی۔ برطانوی میڈیا کے مطابق آنجہانی شہزادہ فلپ کو خراج تحسین پیش کرنے کیلئے برطانیہ اور جبرالٹر میں توپوں کی سلامی دی گئی ، یہ سلسلہ برطانوی وقت کے مطابق صبح 11 بجے شروع ہوا اور 40 منٹ تک جاری رہا جس میں بری و بحری افواج کے علاوہ شاہی دستے نے بھی حصہ لیا۔ ادھر کورونا کے باعث بکنگھم پیلس نے شہزادہ فلپ کی آخری رسومات کی تقریب محدود رکھنے کا اعلان کر دیا، آخری دیدار کیلئے آنے والوں سے اپیل کی کہ وہ سماجی فاصلے کا خیال رکھیں۔ ذرائع کے مطابق شہزادہ فلپ کی آخری رسومات میں ان کے پوتے شہزادہ ہیری بھی شرکت کریں گے ، حاملہ ہونے کے باعث ان کی اہلیہ کو ڈاکٹروں نے شرکت سے روک دیا ہے ۔
شہزادہ فلپ کو توپوں کی سلامی،آخری رسومات 17 اپریل کو ہوں گی
