کوئٹہ صوبائی کابینہ اور پارلیمانی سیکرٹریوں کے محکموں میں رد و بدل کے نوٹیفکیشنز جاری کردئیے۔ محکمہ سروسز اینڈ جنرل ایڈمنسٹریشن کے جاری کردہ نوٹیفکیشن کے مطابق صوبائی وزیر مبین خلجی سے محکمہ سائنس اینڈ انفارمیشن ٹیکنالوجی واپس لیکر انہیں محکمہ معدنیات و معدنی ترقی کا قلمدان تفویض،صوبائی مشیر توانائی میر نعمت اللہ زہری کی جگہ عمر جمالی کو محکمہ توانائی کا صوبائی مشیر، پارلیمانی سیکرٹری بشری رند سے محکمہ سماجی بہبود اور محکمہ اطلاعات کی زمہ داریاں واپس لیکر انہیں محکمہ ایس اینڈ جی اے ،ملک نعیم بازئی کو پارلیمانی سیکرٹری ٹرانسپورٹ اور بلوچستان ڈویلپمنٹ اتھارٹی، پارلیمانی سیکرٹری برائے قانون ڈاکٹر ربابہ بلیدی کو محکمہ سائنس اینڈ انفارمیشن ٹیکنالوجی کی اضافی زمہ داریاں سونپی گئی ہیں جبکہ صوبائی وزیر مواصلات سردار عبدالرحمان کھیتران سے محکمہ خزانہ کا اضافی قلمدان واپس لینے کا نوٹیفکیشن جاری کردیا گیا ہے۔
