سابق کپتان نے فاسٹ بائولر کو مشورہ دیا تھا کہ وہ فی الحال کپتانی کی آفر قبول نہ کریں اور صرف اپنی بائولنگ پر توجہ دیں
لاہور: لاہور قلندرز کے کپتان شاہین شاہ آفریدی نے اتوار کو تجربہ کار آل رانڈر شاہد آفریدی کو غلط ثابت کر دیا جب انہوں نے اپنی ٹیم کی قیادت میں پہلی بار پاکستان سپر لیگ (پی ایس ایل)ٹائٹل جیتا۔ قلندرز نے سلطانوں کو آٹ کلاس کیا اور انہیں 42 رنز سے شکست دی جب کہ شاہین کی قیادت میں لاہور کی ٹیم نے اپنے مداحوں کو مایوس نہیں کیا اور سات ایڈیشنز میں اپنا پہلا پی ایس ایل ٹائٹل جیتا۔قلندرز کی انتظامیہ اس سال کے پی ایس ایل سے قبل 21 سالہ نوجوان کو اپنے کپتان کے طور پر لے آئی لیکن شاہد آفریدی اس فیصلے کے خلاف تھے۔ انہوں نے نجی ٹی وی چینل کے پروگرام میں کہا کہ میں نے شاہین کو مشورہ دیا تھا کہ وہ کپتانی قبول کرنے سے پہلے ایک یا دو سال انتظار کریں تاکہ وہ اپنی بولنگ پر زیادہ توجہ دے سکیں لیکن چونکہ وہ بھی آفریدی ہے اس لیے اس نے میری بات نہیں سنی۔سابق کپتان نے کہا کہ مجھے خوشی ہے کہ اس نے یہ ذمہ داری قبول کرنے کا فیصلہ کیا ہے اور مجھے امید ہے کہ وہ مجھے غلط ثابت کریں گے۔ شاہین آفریدی نہ صرف پی ایس ایل فرنچائز کو فتح سے ہمکنار کرنے والے سب سے کم عمر کپتان بن گئے بلکہ وہ پی ایس ایل 7 میں سب سے زیادہ (20) وکٹیں لینے والے بائولر بھی بنے۔
