لاہور: منی لانڈرنگ اور آمدن سے زائد اثاثوں کے کیس میں عبوری ضمانت میں توسیع کیلئے شہباز شریف لاہور ہائیکورٹ پہنچ گئے، اس موقع پر سکیورٹی کے سخت انتظامات کئے گئے تھے۔
لاہور ہائیکورٹ کا 2 رکنی بینچ شہباز شریف کی عبوری ضمانت میں توسیع کی سماعت کر رہا ہے، شہباز شریف کو سخت سکیورٹی میں لاہور ہائیکورٹ لایا گیا۔ ن لیگی رہنماوں اور کارکنان بھی اس موقع پر عدالت کے باہر جمع ہو گئے۔
کسی بھی ناخوشگوار واقعے سے نمٹنے کیلئے پنجاب پولیس کی بھاری نفری بھی لاہور ہائیکورٹ کے باہر پہنچا دی گئی ہے جبکہ واٹر کینن بھی موجود ہیں۔ حکام نے غیر متعلقہ افراد کےعدالت آنے پر پابندی عائد کر رکھی ہے۔ واضح رہے کہ نیب نے شہباز خاندان کے خلاف 7ارب 35کروڑ کی منی لانڈرنگ کا ریفرنس دائر کررکھا ہے۔
