بالی ووڈ کی کون سی جوڑی شادی کرنے والی ہے؟ سلمان خان نے راز کھول دیا
بالی ووڈ کی ایک اور جوڑی شادی کرنے والی ہے اور اس کی تصدیق سلمان خان نے اپنے ٹی وی پروگرام میں کردی ہے۔
بالی ووڈ اداکار سدھارتھ ملہوترا اور کیارا اڈوانی اکثر اپنے رشتے کی وجہ سے سرخیوں میں رہتے ہیں۔حال ہی میں بھارتی میڈیا پر خبر آئی تھی کہ دونوں جلد ہی شادی کے بندھن میں بندھنے والے ہیں۔ ان ہی خبروں کے دوران سلمان خان کی ایک ویڈیو بھی سامنے آئی ہے جس میں وہ سدھارتھ اور کیارا کو شادی کی مبارکباد دے رہے ہیں۔
سدہاتھ ملہوترا اور کیارا ایڈوانی بھارتی ٹی وی رئیلٹی شو ’بگ باس‘ اپنی آنے والی فلم ’تھینک گاڈ‘ کی تشہیر کے لیے آئے تھے۔
شو میں گفتگو کے دوران سلمان خان نے سدھارتھ ملہوترا سے کہا کہ ’مبارک ہو سدھارتھ، شادی مبارک ہو۔ کیارا تم نے فیصلہ کیا ہے‘۔ اسی دوران سلمان خان نے یہ بھی کہا کہ آپ نے یہ مشورہ کس کے اڈوانی سے لیا ہے؟
سلمان خان کی باتوں پر سدھارتھ ملہوترا نے کہا کہ آپ مجھے شادی کا مشورہ دے رہے ہیں۔ اس پر سلمان خان نے مزاحیہ انداز میں کہا کہ ’سن لو تینو، وہ شادی نہیں کرنا چاہتا۔ اس کا جواب دیتے ہوئے سدھارتھ نے کہا کہ ’وہ میری ساتھی اداکارہ ہیں۔ شادی کب، کہاں، کس کے ساتھ ہوگی، میں ابھی نہیں بتا سکتا۔
گزشتہ چند ماہ سے بالی ووڈ میں یہ خبریں پھیلی ہیں کہ سدھارتھ اور کیارا آئندہ سال اپریل میں شادی کے بندھن میں بندھ جائیں گے۔ دونوں پہلے کورٹ میرج کریں گے اور پھر قریبی لوگوں کو استقبالیہ دیں گے۔
چند روز قبل ایک اور ٹی وی پروگرام کے دوران ہدایت کار کرن جوہر نے سدھارتھ ملہوترا سے اسی حوالے سے بات کی تھی جس پر سدھارتھ ملہوترا نے گول مول جواب دے دیا تھا۔