کوئٹہ وزیراعلیٰ بلوچستان میر عبدالقدوس بزنجو نے ہرنائی میں سیکورٹی فورسز پر فائرنگ کے واقعہ کی مذمت کر تے ہوئے کہا ہے کہ بزدل دہشت گردوں نے ایک مرتبہ پھر چھپ کر وار کیاہمیں وطن عزیز کی خاطر جانیں قربان کرنے والی بہادر پاک افواج پر فخر ہے۔
یہ بات انہوں نے اتوار کو ہرنائی میں دہشت گردی کے واقعہ میں دو سیکورٹی اہلکاروں کی شہادت پر افسوس کا اظہار کر تے ہوئے کہی، وزیراعلیٰ میر عبدالقدوس بزنجو نے کہا کہ ایسی بزدلانہ کارروائیوں سے ہمارے حوصلے پست نہیں ہو نگے،دہشت گردی کی عفریت کو جڑ سے اکھاڑے بغیر چین سے نہیں بیٹھیں گے۔ وزیراعلیٰ نے شہید اہلکاروں کے خاندانوں سے تعزیت اور ہمدردی کا اظہار کر تے ہوئے کہا کہ پوری قوم لواحقین کے غم میں شریک اور انکے ساتھ کھڑی ہے۔انہوں نے واقعہ میں زخمی ہونے والے سیکورٹی افسر کی جلد صحت یابی کی دعا ہے ۔
