شاہین آفریدی پُرامید ہیں کہ وہ ورلڈ کپ میں بھارت کے خلاف میچ کیلئے دستیاب ہوں گے، رمیز راجا
پاکستان کرکٹ بورڈ (پی سی بی) کے چیئرمین رمیز راجا نے کہا ہے کہ فاسٹ باؤلر شاہین شاہ آفریدی سے بات ہوئی ہے، ان کی فٹنس اچھی ہے، شاہین آفریدی کا کہنا ہے کہ بھارت کے خلاف میچ کے لیے تیار ہوں گے، روایتی حریف کے خلاف ٹی 20 ورلڈکپ کا میچ 23 اکتوبر کو ہوگا۔
20 شاہین شاہ آفریدی ایشیا کپ ٹی20 سے باہر ہو گئے تھے، پی سی بی کی میڈیکل ایڈوائزری کمیٹی اور آزاد اسپیشلسٹ کے پینل نے شاہین شاہ آفریدی کی رپورٹس کا جائزہ لینے کے بعد انہیں 4 سے 6 ہفتے آرام کا مشورہ دیا تھا۔
پاکستان اور بھارت کے درمیان میچ 23 اکتوبر کو میلبورن کرکٹ گراؤنڈ کھیلا جائے گا۔
16 ملکی ٹورنامنٹ کا آغاز 16 اکتوبر کو سری لنکا کا جیلونگ میں نمیبیا کے خلاف میچ سے ہوگا، جیلونگ پہلی بار آسٹریلیا کی میزبانی میں منعقد ہونے والے عالمی ایونٹ کے سات مقامات میں سے ایک ہے۔