نیویارک(این این آئی)مائیکل بلوم برگ جوبائیڈن کے حق میں دستبردار ہوگئے ہیں،میڈیارپورٹس کے مطابق مائیکل بلوم برگ کی جانب سے جوبائیڈن کے حق میں دستبردار ہونے کے بعد الزبتھ وارن نے برنی سینڈرز کے حق میں دستبردار ہونے کے لیے بات چیت شروع کردی۔مائیکل بلوم برگ نے کہا کہ مجھے گزشتہ برسوں جو بائیڈن کے ساتھ کام کرنے کا موقع ملا ہے، انہوں نے پوری زندگی محنت کش لوگوں کے لئے وقف کردی ہے۔انہوں نے مزید کہا کہ مجھے ان کے حق میں دستبردار ی پر خوشی ہے اور میں انہیں ریاست ہائے متحدہ کا اگلاصدر بنانے کے لئے کام کروں گا۔واضح رہے کہ امریکامیں ڈیموکریٹ صدارتی امیدواروں کی دوڑ اب جو بائیڈن اور برنی سینڈرز کے درمیان رہ گئی ہے۔
