وفاقی وزیر منصوبہ بندی و ترقی احسن اقبال نے کہا ہے کہ اس سال ترقیاتی بجٹ میں بلوچستان کی سڑکوں اور انفرااسٹرکچر کو ترجیحی بنیادوں پر فنڈنگ دیں گے۔
وفاقی وزیر منصوبہ بندی و ترقی احسن اقبال کا اسلام آباد میں نیوز بریفینگ میں کہنا تھا کہ جب سڑکوں کا جال پھیلتا ہے اسی کے ذریعے پسماندہ علاقوں میں ترقی کا پہیہ چل کر جاتا ہے، بلوچستان کے زیرالتوا منصوبے جنہیں فنڈنگ نہیں ملتی تھی ہم نے ان کو بھرپور فنڈنگ کی ہے تاکہ اگلے دو سے تین سال میں بلوچستان میں رابطوں کو جال پھیلایا جاسکے جس کے ذریعے تعلیم، صحت اور روزگار کے بہتر مواقع ملیں گے۔
انہوں نے کہا کہ اسی طرح مکران کے کوسٹ پر بجلی کی تنگی تھی پاکستان ایران سے 100 میگا واٹ بجلی حاصل کررہا تھا لیکن وہ مکران کی ساحلی ضرورت کے پیش نظر کافی نہیں ہے۔
