شاہراہ ریشم نے دو قدیم تہذیبوں پاکستان اور چین کے درمیان دوستی کا پل بنایا ،سفیر خلیل ہاشمی

0

چین میں پاکستان کے سفیر خلیل ہاشمی نے کہا ہے کہ دو ہزار سال قبل شاہراہ ریشم نے خطے کی دو قدیم تہذیبوں پاکستان اور چین کے درمیان دوستی کا پل بنایا جو آج مضبوط تر ہو چکا ہے ۔

سفیر خلیل ہاشمی نے ژی این آرٹ میوزیم، شانسی میں ہونے والے پہلے ’’سلک روڈ کلچر سٹوری‘‘ تخلیقی ڈیزائن مقابلہ کے فاتحین کیلئے ایوارڈ زکی تقریب سے مختصر خطاب کرتے ہوئے اپنے وڈیو پیغام میں کہا کہ یہ مقابلہ ہر ملک کی منفرد ثقافت اور رسم و رواج کو ظاہر کرتا ہے، اور شاندار کاموں کے ذریعے باہمی افہام و تفہیم کو فروغ دیتا ہے، جو بیلٹ اینڈ روڈ انیشیٹو کے تحت لوگوں کے درمیان تبادلے کو فروغ دینے میں مثبت کردار ادا کرتا ہے۔

دو ہزار سال قبل شاہراہ ریشم نے ہی دو قدیم تہذیبوں پاکستان اور چین کے درمیان دوستی کا پل بنایا جو آج مضبوط تر ہو چکا ہے۔چائنا اکنامک نیٹ (سی ای این ) کے مطابق جیتنے والے کاموں کی نمائش ژی این آرٹ میوزیم میں رواں ماہ کے آخر تک جاری رہے گی ،اس میں نہ صرف اس مقابلے کے شاندار سلک روڈ تخلیقی کاموں کی نمائش کی گئی بلکہ غیر محسوس ثقافتی ورثے کے کام، ڈن ہوانگ ثقافتی تخلیق اور پاکستان، قازقستان، کرغزستان، نیپال، ایران اور دیگر ممالک کے شاندار فن پارے بھی پیش کیے گئے ہیں ۔یہ نمائش شاہراہ ریشم کی وقتی اور متنوع ثقافت کے ساتھ ساتھ جدید ڈیزائن کی جدت اور انضمام کی عکاسی کرتی ہے۔

Leave A Reply

Your email address will not be published.