اسلام آباد (این این آئی)وزیر برائے انسداد منشیات شہریار آفریدی اقوامِ متحدہ کے کمیشن برائے انسداد منشیات کے اجلاس میں شرکت کیلئے آسٹریا روانہ ہوگئے۔ذرائع کے مطابق شہریار آفریدی 5 روزہ دورے پر آسٹریا روانہ ہوئے ہیں۔اعلامیہ میں کہا گیا کہ پاکستان کمیشن برائے انسداد منشیات کے اس اجلاس کی صدارت کر رہا ہے، جس میں ایشیائی، افریقی اور لاطینی امریکا کے متعدد ممالک اجلاس میں شرکت کریں گے۔ذرائع کے مطابق شہریار آفریدی یو این او ڈی سی کی ایگزیکٹیو ڈائریکر غدا فاتح سے ملاقات بھی کریں گے۔
