روس کے مشرق بعید میں سویت دور کے مسافر بردار طیارے کی منجمد دریا پر لینڈ ینگ

روس کے مشرق بعید میں سویت دور کا ایک مسافر بردار طیارہ غلطی سے منجمد دریا پر لینڈ کر گیا تاہم طیارے میں سوار تمام 30 مسافر محفوظ رہے۔

جمعہ کو مشرقی سائبیرین ٹرانسپورٹ کے ترجمان کے حوالے سے مقامی روزنامے کی رپورٹ کے مطابق یکوتیا خطے میں پولر ائر لائن کا ایک اینٹونوف 24- طیارہ جس پر 30 مسافر سوار تھے، رن وے سے باہر واقع دریائے کولیما پر لینڈ کر گیا ۔

دریائے کولیما خطے میں شدید سردی کے باعث منجمد ہے تاہم واقعہ میں تمام مسافر محفوظ رہے ۔ترجمان کے مطابق ابتدائی تحقیقات سے پتہ چلا ہے کہ طیارے کی منجمد دریا پر لینڈینگ پائلٹ کی غلطی کی وجہ سے ہوئی ۔