بھارتی چال ناکام، پاکستان سرخرو!

بھارت ایک بار پھر آزاد کشمیر میں بدامنی اور انتشار پیدا کرنے کی ناکام کوشش کر بیٹھا۔ عوامی ایکشن کمیٹی کے ذریعے ریاست پاکستان کے خلاف فضا ہموار کرنے کی سازش رچی گئی، جس کا مقصد نہ صرف امنِ عامہ کو سبوتاژ کرنا تھا بلکہ پاکستان کو عالمی سطح پر بدنام کرنا بھی۔

لیکن ریاستِ پاکستان نے تحمل، صبر اور بہترین حکمتِ عملی کے ذریعے اس ناپاک منصوبے کو ناکام بنا دیا۔ ایک ایسے وقت میں جب بھارت پروپیگنڈا مشینری کے ذریعے منفی تاثر پھیلانے میں مصروف تھا، پاکستان نے مذاکرات اور عوامی شمولیت کے ذریعے صورتحال کو سنبھال لیا۔

کامیاب مذاکرات کے نتیجے میں عوامی ایکشن کمیٹی نے احتجاج ختم کر دیا، جبکہ ریاست نے اعلان کیا کہ جن بے گناہوں کی جانیں ضائع ہوئیں، ان کے اہلِ خانہ کو معاوضہ دیا جائے گا۔ یہ اقدام اس حقیقت کا عملی اظہار ہے کہ پاکستان اپنی عوام کے ساتھ کھڑا ہے اور ان کے مسائل کے حل کے لیے ہر ممکن قدم اٹھاتا ہے۔

اس پورے واقعے نے ایک بار پھر واضح کر دیا کہ پاکستان امن، بات چیت اور عوامی فلاح پر یقین رکھتا ہے، جبکہ بھارت کی پالیسی صرف سازشوں، پروپیگنڈے اور خطے میں عدم استحکام پھیلانے پر مبنی ہے۔

دنیا نے دیکھ لیا کہ جہاں بھارت کی کوششیں ناکامی اور رسوائی کا شکار ہوئیں، وہیں پاکستان نے بصیرت اور عوامی اعتماد کے ذریعے کامیابی حاصل کی۔

✅ پاکستان سرخرو
❌ بھارت ناکام