ملائیکہ اروڑا برقع پہنے مسجد پہنچ گئیں، تصاویر وائرل

بالی ووڈ اداکارہ اور ماڈل ملائیکہ اروڑا کی ابوظہبی میں واقع شیخ زاید گرینڈ مسجد کے دورے کی تصاویر اور ویڈیوز سوشل میڈیا پر زیرِ بحث ہیں۔

اداکارہ اس موقع پر برقع پہنے اور سر ڈھانپے دکھائی دیں۔ انہوں نے اپنے دورے کی جھلکیاں انسٹاگرام پر شیئر کیں، جس کے بعد صارفین کی توجہ ان کی پوسٹ کی جانب مبذول ہو گئی۔

ملائیکہ اروڑا نے تصاویر کے ساتھ اپنے پیغام میں لکھا کہ کچھ مقامات انسان کو ٹھہر کر سوچنے پر مجبور کرتے ہیں، جبکہ بعض جگہیں دل کو چھو لیتی ہیں۔ ان کے مطابق شیخ زاید گرینڈ مسجد ایسی جگہ ہے جہاں یہ دونوں احساسات بیک وقت پیدا ہوتے ہیں۔