چین، 2024 سپرنگ فیسٹیول گالا کے’’ڈریگن‘‘ تھیم کی نقاب کشائی
:چائنا میڈیا گروپ نے فروری 2024 میں آنے والے ڈریگن کے سال سے قبل ہفتے کے روز 2024 جشن بہار ایوننگ گالا کے لیے آفیشل تھیم اور لوگو کی نقاب کشائی کی۔
چینی میڈیا کے مطا بق سپرنگ فیسٹیول گالا کا لوگو مرکزی بصری علامت کے طور پر مخصوص چینی کریکٹر “龘” کا استعمال کیا گیا ہے جس کا مطلب “ڈریگنوں کا بڑھنا” ہے۔
یہ منتخب کریکٹر 1.4 ارب ترقی پزیر چینی لوگوں کی ترقی کی راہ پر مسلسل آگے بڑھنے کی عکاسی کرنے کا ایک استعارہ ہے، ڈریگن ہزاروں سالوں سے چینی لوگوں کے لیے روحانی طاقت کی علامت رہا ہے ۔
اس لوگو کو گو یونگ جیانگ نے ڈیزائن کیا ہے۔ جو چین کے چاند کی تلاش کے پروگرام اور سیاروں کی تلاش کے منصوبے کے لوگو ڈیزائنر بھی ہیں ۔