افغان فورسز کی پاک افغان سرحد پر بلا اشتعال کارروائی کی پرزور مذمت کرتے ہیں، وزیراعظم کے کوآرڈینیٹر اختیار ولی خان

وزیراعظم کے کوآرڈینیٹر اختیار ولی خان نے افغان فورسز کی پاک افغان سرحد پر بلا اشتعال کارروائی کی پر زور مذمت کرتے ہوئے کہا ہے کہ پاکستان اور اسلام کے ازلی دشمن بھارت کے ساتھ ملکر پاکستان پر حملہ نمک حرامی ہے. اتوار کو اپنے ایک بیان میں انہوں نے کہا کہ پاکستان نے ہمیشہ افعانستان کے ساتھ پیار و محبت کا رشتہ بنانے کو ترجیح دی ہے. کئی دہائیوں سے افغان مہاجرین کو سینے سے لگائے رکھا تاہم بدلے میں افغانستان نے پاکستان کے اندر پراکسی وار شروع کر رکھی ہے۔اختیار ولی خان نے کہا کہ پاکستان اور اسلام کے ازلی دشمن بھارت کے ساتھ ملکر پاکستان پر حملہ نمک حرامی ہے. انہوں نے کہا کہ بھرپور جوابی کارروائی پر پاک فوج کو خراج تحسین پیش کرتے ہیں، پاکستانی قوم اپنے افواج کے ساتھ ڈٹ کر کھڑی ہے. انہوں نے کہا کہ بھارت افغانستان کے گٹھ جوڑ کو دنیا کے سامنے بےنقاب کیا جائے گا، پاکستان کے خلاف کسی بھی قسم کی جارحیت کا جواب پاک فوج کو خوب اتا ہے. پاکستان کی سالمیت کےلیے پاک فوج، سیاسی قیادت اور عوام متحد ہیں.