ورجینیا: امریکہ کے قومی سلامتی کے مشیر رابرٹ اوبرائن نے کہا ہے کہ چین کے ساتھ اس سال کے آخر تک ابتدائی تجارتی معاہدہ ممکن ہے۔ورجینیا میں ایک کانفرنس کے موقع پر صحافیوں سے گفتگو کرتے ہوئے انہوں نے کہا کہ امریکہ مجوزہ معاہدے کے لئے پرامید ہے تاہم وہ ہانگ کانگ یا کسی بھی دوسرے علاقے کے بارے میں جہاں اسے چین کی سرگرمیوں پر کوئی تشویش ہوئی، آنکھیں بند نہیں کرسکتا۔انہوں نے کہا کہ اگر ہانگ کانگ میں کسی تشدد کے بغیر بلدیاتی انتخابات ہوجاتے ہیں تو یہ ایک اچھی علامت ہوگی۔
