سینیٹ کے ڈپٹی چیئرمین نے قبائلی رہنما حاجی اکبر خان ناصر کے انتقال پر گہرے افسوس کا اظہار کیا

(عسکر انٹرنیشنل رپورٹ) اسلام آباد – سینیٹ کے ڈپٹی چیئرمین سیدال خان ناصر نے سابق صوبائی وزیر سردار حیدر…

بلوچستان

web deskNovember 15, 2025

1

: لورالائی میں میٹرک اکیڈمی قائم کرنے کا فیصلہ—اساتذہ رضاکارانہ تدریس پر تیار

لورالائی — 15 نومبر : ڈویژنل ڈائریکٹر اسکولز ڈاکٹر محمد سلیم ذرکون کی زیر صدارت سیکنڈری سطح کے اساتذہ کا اہم اجلاس ہوا جس میں نہم و دہم کے طلبہ کے تعلیمی معیار کو بڑھانے کے لیے میٹرک اکیڈمی قائم کرنے کا فیصلہ کیا گیا۔ اسکول سربراہان نے شرکت کی اور فیصلہ کیا گیا کہ اساتذہ بغیر کسی اضافی معاوضے کے رضاکارانہ طور پر پڑھائیں گے۔ ڈاکٹر ذرکون نے کہا کہ اکیڈمی طلبہ کی رہنمائی، امتحانات کی تیاری اور بہتر نتائج کے لیے مؤثر کردار ادا کرے گی۔ یہ اقدام طلبہ کی دلچسپی، مضمون فہمی اور نتائج میں بہتری لانے میں اہم سنگ میل ثابت ہوگا

بلوچستان

web deskNovember 15, 2025

1

: کمشنر نصیرآباد کی زیر صدارت آبادی ویلفیئر امور پر اہم اجلاس

نصیرآباد — 15 نومبر : کمشنر نصیر آباد ڈویژن صلاح الدین نورزئی سے ڈسٹرکٹ پاپولیشن ویلفیئر آفیسر جعفرآباد حبیب اللہ جوگیزئی نے ملاقات کی جس میں ضلع میں آبادی ویلفیئر کے امور پر تفصیلی گفتگو ہوئی۔ ڈسٹرکٹ آفیسر نے بریفنگ دیتے ہوئے بتایا کہ محکمے کے مورال اور کارکردگی میں بہتری کے لیے مختلف اقدامات کیے جا رہے ہیں اور تمام مراکز فعال ہیں۔ کمشنر نے کہا کہ سرکاری ذمہ داریوں کی بہترین ادائیگی اولین ترجیح ہونی چاہیے۔ محکمے عوامی بہبود کے لیے سنجیدہ اقدامات کریں تو شکایات کم ہو سکتی ہیں۔ انہوں نے کہا کہ آبادی ویلفیئر ڈیپارٹمنٹ ایک اہم ادارہ ہے اور بہتر نتائج کے لیے سخت مانیٹرنگ ناگزیر ہے۔

بلوچستان

web deskNovember 15, 2025

2

: ڈپٹی کمشنر جعفرآباد کا جی او آر رہائشی منصوبے کا معائنہ، زمین کا تنازع حل—تعمیراتی کام تیز

جعفرآباد — 15 نومبر : ڈپٹی کمشنر جعفرآباد خالد خان نے ڈیرہ اللہ یار میں جی او آر رہائشی منصوبے کے تعمیراتی کام کا جائزہ لیا۔ منصوبے کی تکمیل سے سرکاری افسران کے دیرینہ رہائشی مسائل ختم ہو جائیں گے۔ منصوبہ قبضہ مافیا کے ہتھکنڈوں اور زمین کے تنازع کے باعث تاخیر کا شکار رہا، معاملہ ہائی کورٹ تک بھی پہنچا۔ عدالت سے گرین سگنل ملنے کے بعد باقاعدہ کام شروع کر دیا گیا۔ ایگزیکٹو انجینیئر عتیق الرحمان کے مطابق یہ جی او آر امبریلا اسکیم کا حصہ ہے جس کے تحت بلوچستان کے 10 مقامات پر اسی نوعیت کے منصوبے جاری ہیں۔ منصوبہ پانچ ایکڑ پر مشتمل ہوگا، پہلے چار دیواری تعمیر ہوگی اور پھر رہائشی بنگلے تعمیر کیے جائیں گے۔ ڈپٹی کمشنر نے ہدایت کی کہ منصوبہ پی سی ون کے مطابق، شفافیت اور رفتار کے ساتھ مکمل کیا جائے

بلوچستان

web deskNovember 15, 2025

0

: بارکھان میں پہلی بار سائنس ایگزیبیشن—طلبہ کے 21 سائنسی ماڈلز نے سب کو متاثر کر دیا

بارکھان — 15 نومبر 2025: ضلع بارکھان میں پہلی بار گورنمنٹ بوائز ڈگری کالج میں شاندار سائنس ایگزیبیشن منعقد ہوئی جس میں طلبہ کی تخلیقی صلاحیتوں اور سائنسی سوچ کو بے حد سراہا گیا۔ حسن پبلک اسکول، گل پبلک اسکول اور کریئیٹو پبلک اسکول رکنی سمیت مختلف اداروں کے طلبہ نے شرکت کی اور فزکس، کیمسٹری اور بایولوجی کے 21 پروجیکٹس پیش کیے۔ ڈپٹی کمشنر بارکھان عبداللہ کھوسہ اور اسسٹنٹ کمشنر خادم حسین بھنگر نے بطور مہمانِ خصوصی شرکت کی، سائنسی ماڈلز کا جائزہ لیا اور طلبہ کی محنت و جدت کو سراہا۔ انہوں نے کہا کہ ایسے سائنسی میلوں سے چھپا ٹیلنٹ سامنے آتا ہے اور طلبہ کو تحقیق کا حوصلہ ملتا ہے۔ اس میلے کو بارکھان ہی نہیں بلکہ پورے خطے کے لیے قابلِ فخر قرار دیا گیا۔

بلوچستان

web deskNovember 15, 2025

0

دُکی میں منشیات، غیر قانونی بورنگ اور افغان باشندوں کے خلاف بڑا آپریشن

عسکر انٹرنیشنل رپورٹ دُکی — 15 نومبر 2025: وزیر اعلیٰ بلوچستان میر سرفراز بگٹی کے وژن اور ڈپٹی کمشنر دُکی محمد نعیم خان کی خصوصی ہدایات پر لیویز فورس نے تحصیل لونی، موضع نمکی میں منشیات کے خاتمے، غیر قانونی بورنگ، پوست کی کاشت اور غیر قانونی افغان باشندوں کے خلاف بھرپور کارروائی کی۔ کارروائی میں ایک غیر قانونی بور ناکارہ بنایا گیا، متعدد سولر پینلز ضبط کیے گئے اور تین غیر قانونی افغان باشندے گرفتار کیے گئے۔ ضلعی انتظامیہ کے مطابق یہ کارروائی وزیر اعلیٰ کے وژن “منشیات سے پاک بلوچستان” کے عملی نفاذ کی اہم کڑی ہے اور ایسے آپریشنز آئندہ بھی تسلسل کے ساتھ جاری رہیں گے۔ ڈپٹی کمشنر نے خبردار کیا کہ غیر قانونی پوست کاری میں ملوث افراد کے نام فورٹھ شیڈول میں شامل کیے جائیں گے اور زمین بھی قرق کر دی جائے گی۔

پاکستان

web deskNovember 15, 2025

1