تربت: کیچ کلچرل فیسٹیول میں علمی، ادبی اور ثقافتی سیشنز، ممتاز ماہرین کی شرکت

تربت، 2 اکتوبر 2025: کیچ کلچرل فیسٹیول کے دوسرے روز مختلف علمی، سماجی اور ثقافتی سیشنز منعقد ہوئے جن میں ڈاکٹر پرویز ہودبائی، ڈاکٹر عبدالمالک بلوچ، سینئر صحافی شہزادہ ذوالفقار اور کوئٹہ پریس کلب کے صدر عرفان سعید سمیت ممتاز شخصیات نے خطاب کیا۔

ڈاکٹر پرویز ہودبائی نے کہا کہ بچوں کو ابتدائی تعلیم مادری زبان میں دی جانی چاہیے، جبکہ جدید علوم کے لیے انگریزی ناگزیر ہے۔ ڈاکٹر عبدالمالک بلوچ نے کہا کہ بلوچستان کے مسائل کا حل جمہوری عمل اور تعلیم کے فروغ میں ہے۔ شہزادہ ذوالفقار نے بلوچستان کی صحافت کو درپیش چیلنجز پر روشنی ڈالی اور سوشل میڈیا کو مؤثر پلیٹ فارم قرار دیا۔

اس موقع پر قدیم تہذیبوں پر لیکچر، بلوچی زبان کی کتب کی رونمائی، طلبہ کے بزنس پروپوزلز اور تھیٹر پرفارمنسز بھی پیش کی گئیں۔