وفاقی وزیر خزانہ سینیٹر محمد اورنگزیب کی پیٹرسن انسٹی ٹیوٹ برائے بین الاقوامی معاشیات کے گول میز اجلاس میں شرکت، ملک کی معاشی صورتحال پر تفصیلی گفتگو

واشنگٹن۔18اکتوبر  وفاقی وزیر خزانہ سینیٹر محمد اورنگزیب نے پیٹرسن انسٹی ٹیوٹ برائے بین الاقوامی معاشیات کے گول میز اجلاس میں شرکت کی جہاں انہوں نے پاکستان کی معاشی پیش رفت،آئی ایم ایف کے ساتھ بات چیت،نجکاری عمل سمیت دیگر اہم موضوعات پر روشنی ڈالی۔وزارت خزانہ سے جاری بیان کے مطابق وزیر خزانہ سینیٹر محمد اورنگزیب نے پیٹرسن انسٹیٹیوٹ برائے بین الاقوامی معاشیات کے زیرِ اہتمام ”پاکستانی معیشت کے چیلنجز اور مواقع 2025 اور اس کے بعد“ کے موضوع پر گول میز مذاکرے سے خطاب کیا۔وزیرِ خزانہ نے شرکاءکو پاکستان کی حالیہ معاشی پیش رفت سے آگاہ کیا۔وزیر خزانہ نے آئی ایم ایف کے ساتھ ہونے والے سٹاف لیول معاہدہ اور بین الاقوامی ریٹنگ ایجنسیز کی جانب سے پاکستان کی کریڈٹ ریٹنگ میں بہتری کو اجاگر کیا۔وزیر خزانہ نے ایف بی آر میں جاری اصلاحاتی عمل پر روشنی ڈالی،اصلاحاتی عمل کے ذریعے افرادی صلاحیت، نظام اور ٹیکنالوجی میں بہتری کے اہداف کا ذکر کیا۔وزیرِ خزانہ نے نجکاری کے عمل کی پیش رفت سے بھی آگاہ کیا۔وزیر خزانہ نے حکومت کے اصلاحاتی عزم کو دہراتے ہوئے کہا کہ حالیہ جیوپولیٹیکل حالات پاکستان کے حق میں بہتر ہیں۔سرمایہ کاری و اقتصادی تعاون کے نئے مواقع پیدا کر رہے ہیں۔وزیرِ خزانہ نے شرکائ کے سوالات کے جوابات دیئے۔پاکستان کی معاشی صورتحال پر تفصیلی گفتگو کی