صدرِ مملکت آصف علی زرداری کا شہیدِ ملت لیاقت علی خان کی برسی پر خراجِ عقیدت

📰 عسکر انٹرنیشنل رپورٹ

اسلام آباد، 16 اکتوبر 2025:
صدرِ مملکت آصف علی زرداری نے شہیدِ ملت لیاقت علی خان کی برسی کے موقع پر اُن کی قومی خدمات کو زبردست خراجِ عقیدت پیش کیا ہے۔

صدرِ مملکت نے کہا کہ لیاقت علی خان نے قیامِ پاکستان کے بعد ملک کی تعمیر، استحکام اور ترقی کے لیے تاریخی خدمات انجام دیں جو آج بھی قوم کے لیے رہنمائی کا باعث ہیں۔

اپنے پیغام میں صدر زرداری نے کہا کہ لیاقت علی خان کی دیانت، قومی یکجہتی اور جمہوری اصولوں سے وابستگی مشعلِ راہ ہے اور ان کی سچی قیادت نے پاکستان کے نظریاتی اور سیاسی استحکام کی بنیاد مضبوط کی۔

صدر مملکت نے زور دیا کہ قوم کو اپنے بانی رہنماؤں کے سنہری اصولوں سے رہنمائی حاصل کرتے رہنا چاہیے تاکہ ملک میں جمہوریت، اتحاد اور ترقی کا تسلسل برقرار رہے۔

آخر میں صدر آصف علی زرداری نے دعا کی کہ اللہ تعالیٰ شہیدِ ملت لیاقت علی خان کے درجات بلند فرمائے اور قوم کو اُن کے نقشِ قدم پر چلنے کی توفیق عطا فرمائے۔