خضدار: ڈپٹی کمشنر یاسر اقبال دشتی سے تاجروں کی ملاقات، تجارتی مواقع کے فروغ پر زور

خضدار، 2 اکتوبر 2025: ڈپٹی کمشنر خضدار یاسر اقبال دشتی سے معروف کاروباری شخصیت حاجی غلام حسین کرد اور انجمن تاجران خضدار کے صدر حافظ حمیداللہ مینگل نے ملاقات کی۔ ملاقات میں شہر کی تجارتی صلاحیت کو اجاگر کرنے اور روزگار کے نئے مواقع پیدا کرنے پر غور کیا گیا۔
تاجروں نے خضدار کی جغرافیائی اہمیت اور قومی شاہراہ پر اس کی مثالی لوکیشن کو اجاگر کرتے ہوئے کہا کہ شہر کاروباری سرگرمیوں کا مرکز بن سکتا ہے۔ حافظ حمیداللہ مینگل نے تجویز دی کہ مقامی نوجوانوں کے لیے ہنرمندی کے پروگرام شروع کیے جائیں، جبکہ چھوٹے تاجروں کے لیے ٹیکس مراعات اور قرضہ سہولت فراہم کی جائے۔
ڈپٹی کمشنر نے یقین دہانی کرائی کہ ضلعی انتظامیہ تاجر برادری کے ساتھ مل کر مثبت اقدامات کرے گی تاکہ خضدار کی معاشی و تجارتی صلاحیت کو بھرپور استعمال میں لایا جا سکے۔