اے این ایف کا منشیات فروشوں کے خلاف ملک گیر کریک ڈاؤن، 271.7 کلوگرام منشیات برآمد، مالیت 6 کروڑ 20 لاکھ روپے سے زائد

On اکتوبر 1, 2025

اسلام آباد، یکم اکتوبر: انسدادِ منشیات فورس (اے این ایف) نے ملک کے مختلف شہروں میں منشیات اسمگلروں کے خلاف بڑی کارروائیاں کرتے ہوئے 5 ملزمان کو گرفتار کر لیا اور 271.7 کلوگرام منشیات برآمد کی جن کی مالیت 6 کروڑ 20 لاکھ روپے سے زائد ہے۔

بین الصوبائی کارروائیاں

ملتان (شیر شاہ ٹول پلازہ): ٹرک میں موجود 1452 سیبوں کے کارٹن سے چھپائی گئی 8 کلوگرام آئس (کرسٹل میتھ) برآمد، 2 ملزمان گرفتار۔

اسلام آباد (موٹر وے ٹول پلازہ): گاڑی سے 3 کلوگرام ہیروئن برآمد، 2 ملزمان گرفتار۔

ملکی سطح کی کارروائیاں

کوئٹہ (کچلاک بائی پاس صحرائی علاقہ): 225 کلوگرام افیون برآمد۔

گوادر (جیوانی): جھاڑیوں سے 11.7 کلوگرام ویڈ برآمد۔

حیدرآباد: ایک ملزم کے قبضے سے 24 کلوگرام چرس برآمد۔

تمام مقدمات انسدادِ منشیات ایکٹ 1997 کے تحت درج کر کے مزید تحقیقات شروع کر دی گئی ہیں۔

ترجمان اے این ایف نے کہا کہ فورس منشیات کے مکروہ دھندے میں ملوث عناصر کے خلاف زیرو ٹالرنس پالیسی پر عمل پیرا ہے تاکہ پاکستان کو منشیات سے پاک بنایا جا سکے