الیکشن کمیشن: عطاء تارڑ کیخلاف ضابطۂ اخلاق کی خلاف ورزی کیس کا فیصلہ محفوظ

0

چیف الیکشن کمشنر سکندر سلطان راجہ کی سربراہی میں 3 رکنی بینچ نے کیس کی سماعت کی جس میں عطاء اللّٰہ تارڑ بھی الیکشن کمیشن کے سامنے پیش ہوئے۔

سماعت کے دوران عطاء اللّٰہ تارڑ کی جانب سے ان کے وکیل سجیل سواتی نے مؤقف اختیار کیا کہ دورے کا مقصد ذاتی تھا، انتخابی مہم چلانا نہیں تھا، وکیل کی ذاتی دعوت پر وہاں گئے تھے، متعلقہ تقریب میں امیدوار بھی موجود نہیں تھا۔

 

عطاء تارڑ کی جانب سے وکیل نے کہا کہ ہم کمیشن کی بہت عزت کرتے ہیں اور ذمے دار اراکینِ پارلیمان ہیں، ایسا کوئی کام نہیں کر سکتے جو ضابطۂ اخلاق کی خلاف ورزی ہو، اس حوالے سے تحریری جواب بھی جمع کروا چکے ہیں اور غیر مشروط معذرت کرتے ہوئے خود کو کمیشن کے رحم و کرم پر چھوڑتے ہیں۔

 

چیف الیکشن کمشنر نے ریمارکس دیے کہ آپ بے شک وکیل کی دعوت پر گئے تھے، لیکن آپ وفاقی وزیر بھی ہیں۔

 

سماعت کے بعد الیکشن کمیشن نے کیس کا فیصلہ محفوظ کر لیا۔

Leave A Reply

Your email address will not be published.