اسپیکر قومی اسمبلی سردار ایاز صادق: پاکستان کے خلاف بیانات کی قومی اسمبلی میں کوئی گنجائش نہیں

عسکر انٹرنیشنل رپورٹ
لاہور: قومی اسمبلی کے اسپیکر سردار ایاز صادق نے 17 جنوری 2026 کو نیشنل کالج آف آرٹس (این سی اے) کے دورے کے موقع پر کہا کہ پاکستان، عدلیہ اور افواجِ پاکستان کے خلاف کسی بھی قسم کی گفتگو قومی اسمبلی کے فلور پر قابلِ قبول نہیں ہوگی۔ انہوں نے واضح کیا کہ صرف آئین اور قانون کے دائرے میں رہ کر ہی بات کی اجازت ہوگی۔
اسپیکر نے کہا کہ وہ حکومت یا اپوزیشن سے بالاتر ہو کر غیر جانبدارانہ کردار ادا کرتے ہیں اور آئین اور قواعدِ کار کے مطابق اپنے فرائض انجام دیں گے۔ انہوں نے شہریوں کے پر امن احتجاجی حقوق کو تسلیم کرتے ہوئے آگ لگانے، توڑ پھوڑ کرنے یا اسلحے کے استعمال کو قانون کی بالادستی کے لیے خطرہ قرار دیا۔
انہوں نے غیر قانونی عناصر کے خلاف جدوجہد کو ریاست اور عوام کی مشترکہ ذمہ داری قرار دیا اور پاکستان کی معیشت کی مضبوطی اور دوست ممالک کے ساتھ مستحکم تعلقات کی طرف اشارہ کیا۔
اس موقع پر اسپیکر نے این سی اے کو اعلیٰ معیار کی قومی و بین الاقوامی تعلیمی درسگاہ قرار دیتے ہوئے طلبہ کے تحقیقی اور تخلیقی کام کی تعریف کی اور کہا کہ نوجوان ملک کا قیمتی سرمایہ ہیں جو مختلف شعبوں میں نمایاں کامیابیاں حاصل کر رہے ہیں۔