وزیراعلیٰ بلوچستان کے وژن کے تحت محکمہ تعلقاتِ عامہ کی جدید خطوط پر تنظیم نو

عسکر انٹرنیشنل رپورٹ

کوئٹہ، 10 نومبر:

حکومت بلوچستان نے محکمہ تعلقاتِ عامہ کو جدید تقاضوں سے ہم آہنگ کرنے کے لیے صوبے بھر میں ایک جامع اصلاحاتی مہم کا آغاز کیا ہے۔ ڈائریکٹر جنرل پبلک ریلیشنز محمد نور کھتران نے کہا کہ یہ اصلاحات وزیراعلیٰ میر سرفراز بگٹی کے وژن کے مطابق کی جا رہی ہیں تاکہ صوبائی حکومت کی سرگرمیوں کو مؤثر انداز میں عوام تک پہنچایا جا سکے۔

ڈی جی پی آر نے ڈویژنل آفس قلات (خضدار) میں جدید کیمرے، لیپ ٹاپس، ڈرونز اور دیگر آلات تقسیم کرتے ہوئے کہا کہ تمام ڈویژنل و ضلعی دفاتر کو جدید ٹیکنالوجی سے لیس کیا جا رہا ہے تاکہ ترقیاتی منصوبوں کی بروقت کوریج اور درست ابلاغ کو یقینی بنایا جا سکے۔

ان کے ہمراہ ڈائریکٹر تنویر احمد اور دیگر افسران بھی موجود تھے۔

ڈی جی پی آر نے کہا کہ محکمہ اطلاعات حکومت اور عوام کے درمیان پل کا کردار ادا کرتا ہے اور مؤثر ابلاغ شفاف طرزِ حکمرانی کی بنیاد ہے۔

انہوں نے کہا کہ جدید ٹیکنالوجی کی بدولت بلوچستان کی مثبت شناخت قومی سطح پر اجاگر ہو گی۔