کوئٹہ میں بین اللسانی مشاعرے کا انعقاد، شعرا نے یکجہتی کا پیغام دیا

عسکر انٹرنیشنل رپورٹ

کوئٹہ، 10 نومبر:

ڈائریکٹوریٹ آف پبلک ریلیشنز بلوچستان کے زیراہتمام کوئٹہ میں بین اللسانی مشاعرے کا اہتمام کیا گیا جس میں اردو، بلوچی، براہوی اور پشتو شعرا نے شرکت کر کے اتحاد و ہم آہنگی کا خوبصورت مظاہرہ کیا۔

تقریب کے مہمانِ خصوصی ڈی جی پی آر محمد نور کھتران نے اپنے خطاب میں کہا کہ ادب قوموں کو جوڑنے اور معاشرتی ہم آہنگی کو فروغ دینے کا بہترین ذریعہ ہے۔

انہوں نے کہا کہ شعراء امن، محبت اور تخلیقی اظہار کے حقیقی سفیر ہیں۔

مشاعرے میں معروف شعراء رشید بنگلزئی، استاد اسد بلوچ، عبدالرؤف پنیزئی اور شائستہ خالد نے اپنے کلام سے حاضرین کو محظوظ کیا۔

طلباء، اساتذہ، ادیبوں اور صحافیوں کی بڑی تعداد شریک تھی۔

شرکاء نے کہا کہ اس طرح کے ادبی پروگرام صوبے میں مثبت فضا کے فروغ میں اہم کردار ادا کرتے ہیں۔