بلوچستان بھر میں یومِ اقبال عقیدت و احترام کے ساتھ منایا گیا

عسکر انٹرنیشنل رپورٹ 

کوئٹہ، 9 نومبر:

بلوچستان بھر میں یومِ اقبالؒ ملی جوش و جذبے کے ساتھ منایا گیا۔

سرکاری و تعلیمی اداروں میں تقریبات، مشاعرے اور تقاریر منعقد ہوئیں جن میں شاعرِ مشرق علامہ اقبالؒ کو خراجِ عقیدت پیش کیا گیا۔

مرکزی تقریب محکمہ تعلقاتِ عامہ کے زیرِ اہتمام کوئٹہ میں منعقد ہوئی جس میں طلباء نے علامہ اقبالؒ کے اشعار اور ان کے فلسفۂ خودی و عمل پر مبنی خاکے پیش کیے۔

ڈی جی پی آر محمد نور کھتران نے کہا کہ نوجوان نسل کو اقبالؒ کے پیغام کو سمجھنا اور اپنی زندگیوں میں نافذ کرنا چاہیے تاکہ قوم ترقی و استحکام کی راہ پر گامزن ہو سکے۔

انہوں نے کہا کہ اقبالؒ کا پیغام وقت سے ماورا ہے اور آج بھی ہماری فکری رہنمائی کرتا ہے۔