نگراں مرکزی کمیٹی کے رکن محمد شریف خان بھائی کی بہن کی نماز جنازہ ادا کردی گئی، نیو مسلم قبرستان میں سپرد خاک

حیدرآباد: نگراں مرکزی کمیٹی کے رکن محمد شریف خان بھائی کی بہن کی نمازِ جنازہ محمدی مسجد پریٹ آباد میں ادا کی گئی، جس کے بعد مرحومہ کو نیو مسلم قبرستان حیدرآباد میں سپرد خاک کردیا گیا۔

نمازِ جنازہ و تدفین میں سینئر مرکزی رہنما ڈاکٹر فاروق ستار بھائی، مرکزی کمیٹی کے رکن کہف الورا بھائی مرکزی نگراں کمیٹی کے اراکین ارشاد ظفیر بھائی، شکیل احمد بھائی، زاہد منصوری بھائی، ارشد حسن بھائی ، خالد سلطان بھائی، راشد سبزواری بھائی، عبدالروف اجمیری بھائی، ظفر کمالی بھائی، سندھ تنظیمی کمیٹی کے انچارج سلیم رزاق بھائی و اراکین کمیٹی، حیدرآباد ڈسٹرکٹ انچارج ظفر احمد صدیقی بھائی و اراکین کمیٹی ، حق پرست اراکین قومی اسمبلی ارشد وہرا بھائی، فرحان چشتی بھائی، پارلیمانی لیڈر طحہ احمد بھائی حق پرست اراکین صوبائی اسمبلی صابر حسین قائمخانی بھائی، ناصر حسین قریشی بھائی، جمال احمد بھائی سابق حق پرست اراکین اسمبلی راشد خلجی بھائی و دیگر سمیت ڈسٹرکٙٹ انچارجز نوابشاہ معظم خان بھائی و اراکین ، میرپورخاص ڈسٹرکٹ انچارج خالد تبسم بھائی و اراکین، ٹاؤنز اور یوسیز کے انچارجز، سابق ذمہ داران، کارکنان، عمائدین شہر، سیاسی، سماجی، کاروباری شخصیات، اور عزیز و اقارب کی بڑی تعداد نے شرکت کی۔

شرکاء نے مرحومہ کے لیے دعائے مغفرت کی اور پسماندگان سے اظہارِ تعزیت کیا۔

متحدہ قومی موؤمنٹ پاکستان ڈسٹرکٹ حیدرآباد