واشنگٹن(این این آئی)برطانیہ نے اقوام متحدہ میں اپنی موجودہ ایلچی کیرن پائرس کو امریکا میں نئی سفیر مقررکردیا،ان کے پیش رو سابق برطانوی سفیر کِم ڈاروک گذشتہ سال صدر ڈونلڈ ٹرمپ اور ان کی انتظامیہ پر تنقید کی مراسلت افشا ہونے کے بعد مستعفی ہوگئے ۔میڈیاروپرٹس کے مابق ٹین ڈاؤننگ اسٹریٹ نے ایک بیان میں کہا کہ کیرن پائرس کو اب نئی ذمے داریاں سونپی جارہی ہیں اور وہ اب کِم ڈاروک کی جگہ لیں گی۔کِم ڈاروک نے گذشتہ سال ایک سفارتی مراسلت میں صدر ڈونلڈ ٹرمپ کو ’’نکما‘‘ اور ان کی انتظامیہ کو ’’غیر فعال‘‘ قراردیا تھا۔اس کے جواب میں امریکی صدر نے انھیںاحمق اور جنگلی قرار دیا تھا۔
