بلوچستان ہائی کورٹ نے ایس ایس جی سی کو شوکاز نوٹس جاری کیا

کوئٹہ، 5 نومبر:

بلوچستان ہائی کورٹ نے صوبے میں طویل گیس لوڈشیڈنگ، غیر منصفانہ بلنگ اور ناکافی فراہمی پر سخت برہمی کا اظہار کیا اور ایس ایس جی سی کے اعلیٰ حکام کو توہینِ عدالت کا شوکاز نوٹس جاری کرنے کا حکم دیا۔

چیف جسٹس جسٹس روزی خان بڑیچ اور جسٹس سردار احمد حلیمی پر مشتمل دو رکنی بینچ نے کہا کہ کمپنی کی جانب سے عدالتی احکامات کی بار بار خلاف ورزی عوام کے ساتھ امتیازی سلوک ہے۔ عدالت نے کمپنی کو صوبے کے ہر ضلع اور تحصیل میں گیس کی فراہمی، پریشر، لوڈشیڈنگ کے اوقات اور غیر قانونی کنکشنز کی تفصیلات فراہم کرنے کی ہدایت کی۔ سماعت 18 نومبر تک ملتوی کی گئی۔