ڈائریکٹر جنرل اظہاراللہ کا پیکیج-III کے تحت کنوداس مین روڈ اور KIU روڈ پر ترقیاتی کاموں کا معائنہ

ڈائریکٹر جنرل اظہاراللہ کا پیکیج-III کے تحت کنوداس مین روڈ اور KIU روڈ پر ترقیاتی کاموں کا معائنہ

ڈائریکٹر جنرل گلگت ڈویلپمنٹ اتھارٹی (GDA) اظہاراللہ نے پراجیکٹ ڈائریکٹر کے ہمراہ پیکیج-III کے تحت کنوداس مین روڈ اور KIU روڈ پر جاری ترقیاتی کاموں کا شام 5 بجے دورہ کیا۔ اس موقع پر پراجیکٹ ڈائریکٹر سیوریج سسٹم، کنسلٹنٹ پراجیکٹ منیجر، پی ایم یو عملہ اور متعلقہ کنٹریکٹر بھی سائٹ پر موجود تھے۔

اس دورے کا مقصد ترقیاتی کاموں کی رفتار، معیار اور اضافی ملبے کی بروقت صفائی کے عمل کا جائزہ لینا تھا۔ معائنے کے دوران ڈائریکٹر جنرل جی ڈی اے نے تمام فیلڈ اسٹاف کو سختی سے ہدایات جاری کیں کہ: ترقیاتی کام کی رفتار میں مزید تیزی لائی جائے؛ سڑک کی سطح پر باقاعدگی سے پانی کا چھڑکاؤ کیا جائے تاکہ گرد و غبار کے اخراج کو روکا جا سکے؛ اضافی ملبے کو 5 جون 2025 کی شام تک مکمل طور پر ہٹا دیا جائے تاکہ عید الاضحی کے موقع پر ٹریفک کی روانی متاثر نہ ہو۔

ڈی جی GDA نے اس عزم کا اعادہ کیا کہ شہریوں کو سہولیات کی فراہمی اور بہتر ٹریفک نظام کے لیے تمام ممکنہ اقدامات کیے جائیں گے، اور کسی بھی قسم کی غفلت یا لاپروائی کو ہرگز برداشت نہیں کیا جائے گا۔