اسلام آباد (این این آئی )ترجمان چیئرمین پیپلز پارٹی سینیٹر مصطفی نواز کھوکھر نے کہا ہے کہ ملک کی معیشت تبدیلی کی سونامی میں ہچکولے کھا رہی ہے ۔ ایک بیان میں ترجمان بلاول بھٹو زرداری نے کہاکہ تبدیلی سرکار میں گزشتہ سال 10لاکھ افراد بیروزگار ہوئے ۔ انہوںنے کہاکہ نالائق حکومت کی وجہ سے رواںسال مزید 12 لاکھ افراد کی بیروزگاری کا خدشہ ہے ۔ انہوںنے کہاکہ حکومت کی نالائقی کی وجہ عوام سونامی میں ڈوب رہی ہے ۔ انہوںنے کہاکہ مہنگائی اور معاشی بد حالی کے نتائج خطرناک ہونگے ۔ انہوںنے کہاکہ عمران خان کو واپس گھر بھیجنے کے سوا کوئی راستہ نہیں ،خان صاحب زیادہ دیر تک اتحادیوں کو چکمہ نہیں دے سکتے ۔
