تیراہ وادی میں بے گناہ جانوں کے ضیاع پر وزیر اعظم کا اظہار افسوس ،زخمیوں کی طبی امداد کا حکم

اسلام آباد، 28 جولائی 2025 : وزیراعظم محمد شہباز شریف نے تیراہ وادی کے علاقے باغ میدان میں دہشت گردی کے حملے میں بے گناہ جانوں کے ضیاع پر گہرے دکھ اور افسوس کا اظہار کیا ہے۔ انہوں نے اس تشدد کی مذمت کی اور متاثرہ خاندانوں سے تعزیت کا اظہار کیا۔

وزیراعظم نے حملے میں زخمی ہونے والوں کو فوری طبی امداد فراہم کرنے کا حکم دیا۔

انہوں نے دہشت گردی کا مقابلہ کرنے کے قومی عزم کا اعادہ کیا۔ انہوں نے کہا کہ “دہشت گردوں کے مذموم مقاصد ہمارے عزم کو کمزور نہیں کر سکتے۔ ہم دہشت گردی اور دہشت گردوں کا بے دریغ تعاقب کریں گے جب تک کہ ان کا مکمل خاتمہ نہ ہو جائے۔