پی سی بی کراچی ریجن میں میچوں کا چھٹا راؤنڈ آج شروع ہوگا

کراچی ، 26 جولائی 2025 : پاکستان کرکٹ بورڈ (پی سی بی) ریجنل انٹر ڈسٹرکٹ سینئر ٹورنامنٹ (کراچی ریجن) میں میچوں کا چھٹا راؤنڈ اتوار 27 جولائی کو شروع ہوگا۔ تین روزہ مقابلے منگل 29 جولائی تک کراچی کے مختلف مقامات پر کھیلے جائیں گے۔

اس مقابلے میں چھ زونز بالادستی کے لیے مدمقابل ہیں۔ زون ون کا مقابلہ کے سی سی اے اسٹیڈیم میں زون ٹو سے ہوگا۔

اسی دوران، زون تھری کا سامنا بقائی کرکٹ گراؤنڈ میں زون فور سے ہوگا۔

یو بی ایل اسپورٹس کمپلیکس زون فائیو اور زون سکس کے درمیان ہونے والے مقابلے کی میزبانی کرے گا۔ ٹورنامنٹ میں ٹیموں کے پوزیشن کے لیے مقابلہ مزید سخت ہونے کی امید ہے۔