جی ڈی اے کی جانب سے شہر کی جدید طرز پر تعمیر و ترقی کے ساتھ ساتھ شہرکے قدیم تعلیمی اداروں اور تاریخی ورثے کی بحالی کا کام بھی جاری یے

گوادر۔ 22 جولائی 2025
گوادر ڈیویلپمنٹ اتھارٹی گوادر سمارٹ پورٹ سٹی ماسٹر پلان کے تحت شہر کو جدید خطوط پر استوار کرنے کے ساتھ ساتھ “اولڈ ٹاؤن بحالی منصوبے” پر بھی بھرپور انداز میں کام کر رہی ہے۔ اس منصوبے کا مقصد شہر کے تاریخی ورثے، بالخصوص قدیم تعلیمی اداروں اور بنیادی انفراسٹرکچ تعمیر و توسیع، تحفظ اور بحالی ہے۔
منصوبے کے تحت شہر کے دو قدیم و اہم تعلیمی اداروں گورنمنٹ بوائز ماڈل ہائی اسکول اور گورنمنٹ گرلز ہائی سکول میں کلاس رومز، امتحانی ہالز، لائبریری، کیفےٹیریا، کھیل کے میدان اور چار دیواری سمیت کئی اہم سہولیات کو جدید تقاضوں کے مطابق بہتر بنایا جا رہا ہے۔
اس کے علاوہ جی ڈی اے شہر کے پانچ اہم تاریخی مقامات برطانوی دور کا ٹیلیگراف آفس، چارپادگو، عمانی واچ ٹاور، پرتگیزی قلعہ، اور عمانی فورٹ کی مرمت، بحالی اور تحفظ پر بھی کام کر رہی ہے
زیر نظر تصویر گورنمنٹ گرلز ہائی اسکول گوادر میں موجود تقریباً عمانی دور کی قدیم ورثہ کی ہے جو کسی زمانے میں برٹش ایجنٹ اور بعد میں پاکستان ملٹری سمیت مختلف اداروں کے زیر استعمال رہی ہے اور اب اسکول کے ایڈمنسٹریشن بلاک کے طور پر زیرِ استعمال ہے، کو محفوظ رکھنے کے لیے جی ڈی اے اس کی تعمیر و تزئین اور بحالی و توسیع کا کام مکمل کر رہی ہے۔
یہ منصوبہ نہ صرف اسکول کے انفراسٹرکچر کو بہتر بنائے گا بلکہ تاریخی ورثے کو محفوظ رکھ کر گوادر کی جدید ترقی کے ساتھ ہم آہنگی کو یقینی بنائے گا۔