ڈپٹی کمشنر کیچ بشیر احمد بڑیچ سے مکران میڈیکل کالج تربت کے کنٹریکٹ ملازمین نے ملاقات کی

تربت 22 جولائی ۔ ڈپٹی کمشنر کیچ بشیر احمد بڑیچ سے مکران میڈیکل کالج تربت کے کنٹریکٹ ملازمین نے ملاقات کی انہوں نے ڈپٹی کمشنر کیچ کو آگاہ کیا کہ وہ دس بارہ سالوں سے مکران میڈیکل کالج تربت میں کام کررہے ہیں لہذا مکران میڈیکل کالج کی ریگولر آسامیوں پر تعیناتی کے لیے ان کو ترجیح دیا جائے۔ انہوں نے کہا کہ اس سے پہلے مکران میڈیکل کالج تربت میں تعیناتیاں کی گئی تھی مگر ان پوسٹوں پر کنٹریکٹ ملازمین کو نظر انداز کیا گیا تھا۔انہوں نے کہا کہ اگر اس دفعہ ہمیں نظر انداز کیا گیا تو ہم سرکاری ملازمت کی بالائی عمر سے گزر کر اورایج ہو جائیں گے اس موقع پر ڈپٹی کمشنر کیچ نے ان کو یقین دلاتے ہوئے کہا کہ وہ کوشش کریں گے باقاعدہ قانونی طریقے سے آپ لوگوں کو ریگولر طریقے سے تعیناتی عمل میں لائی جائے کیونکہ اتنے بڑے عرصے میں آپ لوگوں نے مکران میڈیکل کالج تربت میں خدمات سر انجام دے ہیں اور اصولی طور ان آسامیوں پر ریگولر طریقے سے تعیناتی کے لیے پہلا حق آپ لوگوں کا ہونا چاہیے۔