بلو چستان میں موسمی صورتحال،کسی بھی قسم کی ہنگامی صورتحال سے نمٹنے کی تیاری رکھی جائے، قدوس بزنجو کی ہدایت
کوئٹہ وزیر اعلیٰ بلو چستان میر عبد القدوس بزنجو نے کہا ہے کہ بلو چستان کے متعلقہ اضلاع میں موسمی صورتحال کی نگرانی کرتے ہوئے کسی بھی قسم کی ہنگامی صورتحال سے نمٹنے کی تیاری رکھی جائے، قومی شاہراہوں کے حساس مقامات پر بھاری مشنری اور عملہ تعینات رکھا جائے۔ یہ بات انہوں نے اتوار کو پی ڈی ایم اے متعلقہ انتظامیہ اور اداروں کو الرٹ رہنے کی ہدایت کر تے ہوئے کہی۔ انہوں نے ہدایت کی کہ متعلقہ اضلاع میں موسمی صورتحال کی نگرانی کرتے ہوئے کسی بھی قسم کی ہنگامی صورتحال سے نمٹنے کی تیاری رکھی جائے حساس اضلاع میں ضروری امدادی اشیاء اور متبادل ایندھن دستیاب رکھا جائے۔انہوں نے کہاکہ قومی شاہراہوں کے حساس مقامات پر بھاری مشنری اور عملہ تعینات رکھا جائے،موسمی صورتحال کے مطابق عوام کے لئے ٹریول ایڈوائیزی جاری کی جائے۔انہوں نے ہدایت کی کہ ضلع اور صوبے کی سطح پر کنٹرول روم 24 گھنٹے فعال رکھے جائیں۔