مریم نواز نے عدالت میں اپلائی کیا ہواہے ، فیصلہ عدالت کریگی ،حکومت کم ظرف ہے جومریم نواز کو روک رہی ہے، شاہد خاقان عباسی

اسلام آباد (این این آئی)سابق وزیر اعظم شاہد خاقان عباسی نے کہا ہے کہ مریم نواز نے عدالت میں اپلائی کیا ہواہے ، فیصلہ عدالت کریگی ،حکومت کم ظرف ہے جومریم نواز کو روک رہی ہے۔ میڈیا سے گفتگو کرتے ہوئے انہوںنے کہاکہ مریم نواز نے عدالت میں اپلائی کیا ہوا ہے، فیصلہ عدالت کریگی ۔ انہوںنے کہاکہ حکومت کی کم زرفی مریم نواز کو روک رہی ہے۔ اسموقع پر گفتگو کرتے ہوئے احسن اقبال نے کہاکہ ہر بیٹی کا ایک قانونی اور فطری حق ہے کہ اگر اس کے والد کی طبعیت خراب ہو تو وہ ان کے پاس تیماردارای کے لئے جائے۔احسن اقبال نے کہاکہ ہم نے جنرل مشرف کی مارشل لا کا بھی مقابلہ کیا ہے، اس میں بھی بہت سختاں تھیں، جس پستی کے اوپر اس حکومت کا کردار ہے جس کی مثال تاریخ میں نہیں ملتی۔احسن اقبال نے کہاکہ مریم نواز کی گرفتاری کے لئے حکومت نے وہ وقت چنا جب وہ اپنے بیمار والد کے پاس ملاقات کر رہی تھیں۔ انہوںنے کہاکہ مریم نواز کو حکومت پہلے بھی پکڑ سکتے تھے مگر وہ ایک بیمار والد کو اذیت دینا چاہتے تھے ۔