گورنر خیبرپختونخوا فیصل کریم کنڈی کا افغانستان میں زلزلہ سے جانی و مالی نقصان پر اظہارِ افسوس

On نومبر 3, 2025

عسکر انٹرنیشنل رپورٹ
پشاور | 3 نومبر 2025ء

گورنر خیبرپختونخوا فیصل کریم کنڈی نے افغانستان کے شہر مزار شریف اور ملحقہ علاقوں میں آنے والے زلزلے کے نتیجے میں قیمتی جانوں کے ضیاع اور مالی نقصانات پر گہرے دکھ اور افسوس کا اظہار کیا ہے۔

اپنے تعزیتی پیغام میں گورنر نے جاں بحق افراد کے اہل خانہ سے دلی ہمدردی اور تعزیت کا اظہار کرتے ہوئے کہا کہ دکھ کی اس گھڑی میں پاکستانی عوام افغان بھائیوں کے ساتھ کھڑے ہیں۔

فیصل کریم کنڈی نے زلزلے سے متاثرہ خاندانوں کے لیے صبر و حوصلے کی دعا کرتے ہوئے زخمیوں کی جلد صحت یابی کے لیے نیک خواہشات کا اظہار کیا۔ انہوں نے کہا کہ زلزلہ متاثرین کے دکھ میں ہم برابر کے شریک ہیں، اور افغان حکومت و عوام سے تعزیت پیش کرتے ہیں۔