وزیر اعظم پاکستان نے بلوچستان میں ترقیاتی اقدامات اور امن و امان کی صورتحال کی تعریف کی

 کوئٹہ، 8 جنوری 2026
وزیر اعظم پاکستان محمد شہباز شریف نے بلوچستان کے وزیر اعلیٰ میر سرفراز بگٹی کی قیادت میں صوبائی حکومت کی جانب سے ترقی، امن و امان، سیاسی ہم آہنگی اور عوامی شکایات کے ازالے کے اقدامات کو سراہا۔
چیف سیکرٹری بلوچستان شکیل قادر خان نے وزیر اعظم کو صوبے میں مختلف شعبوں میں اصلاحات، ترقیاتی منصوبوں اور عوامی خدمات کی فراہمی پر تفصیلی بریفنگ دی۔ وزیر اعظم نے انٹیلی جنس بیسڈ آپریشنز اور سیکیورٹی اقدامات کے دوران 784 دہشت گردوں کے خاتمے پر اطمینان کا اظہار کیا اور کہا کہ صوبائی حکومت اور سیکیورٹی اداروں کی مشترکہ کوششوں کے باعث بلوچستان میں امن و امان کی صورتحال میں نمایاں بہتری آئی ہے۔