بلوچستان پویلین کو پاکستان انٹرنیشنل میری ٹائم ایکسپو 2025 میں بہترین پویلین ایوارڈ

کراچی، 5 نومبر — پاکستان انٹرنیشنل میری ٹائم ایکسپو اینڈ کانفرنس (پی آئی ایم ای سی) 2025 میں بلوچستان پویلین کو بہترین پویلین ایوارڈ سے نوازا گیا۔

بلوچستان سرمایہ کاری بورڈ کے وائس چیئرمین بلال خان کاکڑ نے یہ ایوارڈ گورنر سندھ کامران ٹیسوری سے وصول کیا۔

بلال خان کاکڑ نے کہا کہ بلوچستان کی 770 کلومیٹر طویل ساحلی پٹی اور گوادر بندرگاہ پاکستان کو خطے کے تجارتی مرکز میں بدلنے کی صلاحیت رکھتی ہے۔

انہوں نے کہا کہ سی پیک کے تحت گوادر میں جدید صنعتی زونز، ایکسپریس ویز اور بین الاقوامی ہوائی اڈہ تعمیر کیا جا رہا ہے، جس سے بلوچستان عالمی منڈیوں سے جڑنے والا کلیدی مرکز بنے گا۔