تکتو نیشنل پارک میں خشک سالی کے دوران مارخور اور دیگر جنگلی جانوروں کو پانی کی فراہمی — محکمہ جنگلی حیات بلوچستان کے اہلکار سرگرمِ عمل

کوئٹہ، 5 نومبر

صوبائی وزیر جنگلات و جنگلی حیات سردار مسعود خان لونی، سیکریٹری جنگلات و جنگلی حیات عبدالفتاح بھنگر اور چیف کنزرویٹر وائلڈ لائف شریف الدین بلوچ کی ہدایات پر محکمہ جنگلی حیات بلوچستان کے اہلکار تکتو نیشنل پارک میں خشک سالی کے دوران مارخور اور دیگر جنگلی جانوروں کو پانی فراہم کرنے میں سرگرم ہیں۔

شدید خشک سالی کے باعث پارک کے قدرتی چشمے اور آبی ذخائر خشک ہو چکے ہیں، جس سے جنگلی حیات کو پینے کے پانی کی قلت کا سامنا ہے۔ اہلکار موٹر سائیکلوں، گدھوں اور اپنی پیٹھوں پر پانی ڈھوتے ہوئے پہاڑی علاقوں تک پہنچا رہے ہیں تاکہ نایاب جانوروں کو پینے کا پانی فراہم کیا جا سکے۔

محکمہ کے مطابق یہ کاروائی جنگلی حیات کے تحفظ کے لیے غیر معمولی عزم کی عکاس ہے اور مزید وسائل کی فراہمی ناگزیر ہے تاکہ یہ ریلیف سرگرمیاں جاری رکھی جا سکیں۔