ڈپٹی کمشنر ،ڈسٹرکٹ ریٹرننگ آفیسر کی زیر صدارت اجلاس ، جنرل الیکشن کے انتظامات کا جائزہ

:ڈپٹی کمشنر ،ڈسٹرکٹ ریٹرننگ آفیسر قصور محمد ارشد بھٹی کے زیر صدارت جنرل الیکشن 2024کے انعقاد کے حوالے سے انتظامات کا جائزہ لینے کیلئے اجلاس گزشتہ روز ڈی سی کمیٹی روم میں منعقد ہوا

جس میں ڈسٹرکٹ الیکشن کمشنر تنویر احمد خاں، الیکشن آفیسر علی اویس منظور، ڈپٹی ڈائریکٹر لوکل گورنمنٹ عبدالوحید، ڈپٹی ڈائریکٹر کالجز عبدالغفار ڈوگر، چیف ایگزیکٹو آفیسر ایجو کیشن اتھارٹی ملک انور ندیم، ڈی ایس پی فیاض احمد اور دیگر متعلقہ محکموں کے افسران نے شرکت کی۔ اجلاس کو بریفنگ میں بتایا گیا کہ ضلع قصور میں 4قومی اور 10صوبائی سیٹوں پر جنرل الیکشن ہونگے۔ضلع میں ٹوٹل رجسٹرڈ ووٹرز کی تعداد22لاکھ 28ہزار 474ہے جن میں مرد 12لاکھ 26ہزار 408جبکہ خواتین 10لاکھ 22ہزار 66ہے۔ کل 1523پولنگ اسٹیشنز قائم کئے جائینگے جن میں مردوں کے 422‘خواتین کے 388جبکہ مشترکہ 713شامل ہیں۔

کل پولنگ بوتھ 8776بنائے جائینگے جن میں مردوں کے 2388‘ خواتین کے 2000اور مشترکہ 4388پولنگ بوتھ ہونگے۔ضلع میں جنرل الیکشن میں 14ریٹرننگ آفیسرز‘28اسسٹنٹ ریٹرننگ آفیسر ز‘ڈسٹرکٹ الیکشن کمشنر کی نگرانی میں مانیٹرنگ ٹیم ہر NAاور PPمیں 2‘2ممبر زتعینات کئے جائینگے۔ 1523پرزئیڈنگ آفیسر ز‘8782اسسٹنٹ پرزائیڈنگ آفیسرز‘4391پولنگ آفیسرز‘1523نائب قاصد اور 5فیصد اضافی سٹاف تعینات کیا جائیگا۔ اس موقع پر ڈپٹی کمشنر نے کہا کہ الیکشن کمیشن آف پاکستان کی ہدایت پر آئندہ عام انتخابات کیلئے تمام انتظامات بروقت مکمل کئے جائیں۔

انہوں نے ہدایت کی کہ پولنگ سٹاف کی ٹریننگ،عملہ کی تعیناتی‘ پولنگ سٹیشنز پر مطلوبہ سہولیات کی فراہمی، ٹرانسپورٹ اور سیکیورٹی کیلئے جامع پلان تیار کیا جائے۔ الیکشن کمیشن آف پاکستان کی جانب سے جاری ہونے والے ضابطہ اخلاق پر سوفیصد عملدرآمد یقینی بنایا جائیگا۔ شفاف،منصفانہ اور غیر جانبدارانہ الیکشن کا انعقاد ہماری اولین ترجیح ہے جس کیلئے تمام وسائل کو بروئے کار لایا جائیگا