بلوچستان میں موسم کی پیشگوئی: ساحلی علاقوں میں دھند اور جنوبی اضلاع میں جزوی بارش

کوئٹہ، 11 جنوری: علاقائی موسمیاتی مرکز کے مطابق خلیج فارس کے اوپر کمزور مقامی موسمی گردش کے اثرات سے صوبے کے ساحلی علاقوں میں دھند اور بادلوں کی موجودگی کے امکانات ہیں۔ ضلع کیچ (تربت)، پنجگور اور گوادر کے بعض علاقوں میں ہلکی بارش متوقع ہے۔ کوئٹہ، قلات، پشین، چمن، زیارت، چاغی، قلعہ عبداللہ، ژوب اور قلعہ سیف اللہ میں شدید سردی برقرار رہنے کا امکان ہے۔ گزشتہ 24 گھنٹوں میں زیادہ تر اضلاع میں موسم سرد اور خشک رہا جبکہ شمالی اضلاع میں شدید سردی ریکارڈ کی گئی۔