ایس ایس پی جیکب آباد کا شہر کا پیدل دورہ، تاجروں اور شہری رہنماؤں سے ملاقات

عسکر انٹرنیشنل رپورٹ
ایس ایس پی جیکب آباد کا شہر کا پیدل دورہ، تاجروں اور شہری رہنماؤں سے ملاقات
جیکب آباد، 5 جنوری 2026:
ایس ایس پی جیکب آباد محمد کلیم ملک نے شہر کا پیدل دورہ کیا اور چیمبر آف کامرس، ہندو پنچائیت اور دیگر شہری تنظیموں کے رہنماؤں سے ملاقات کی۔ دورے کے دوران شہر میں امن و امان، ٹریفک کی روانی اور شہری مسائل پر تفصیلی گفتگو کی گئی۔
ایس ایس پی نے شہر کے تمام اہم بازاروں اور مندروں کا بھی دورہ کیا اور انتظامیہ کے ساتھ سکیورٹی امور پر تبادلہ خیال کیا۔ اس موقع پر ہندو تاجر امیت کمار کو ڈکیتی کے دوران چھینی گئی نقدی واپس کی گئی، جس پر تاجروں اور شہری تنظیموں نے ایس ایس پی کا شکریہ ادا کیا۔ تاجر برادری نے ایس ایس پی کا استقبال پھولوں کی مالائیں پہناتے ہوئے کیا اور سندھ کی ثقافت کی ٹوپی و اجرک کا تحفہ پیش کیا۔
قائداعظم روڈ پر غیر قانونی تجاوزات، شہریوں کی تشویش
جیکب آباد، 5 جنوری 2026:
قائداعظم روڈ پر ڈولفن بیکری کے قریب غیر قانونی تجاوزات شہریوں کے لیے مشکلات پیدا کر رہی ہیں۔ شہریوں کا کہنا ہے کہ ضلعی انتظامیہ عام طور پر غریب اور چھوٹے کاروباری طبقے کو ہراساں کرتی ہے، جبکہ اثر و رسوخ رکھنے والوں کے خلاف کارروائی نہیں کی جاتی۔
شہریوں نے مطالبہ کیا کہ ڈپٹی کمشنر، ایس ایس پی اور متعلقہ ٹیم غیر قانونی تجاوزات کے خاتمے کے لیے مؤثر اور مسلسل آپریشن جاری رکھیں تاکہ شہر میں ٹریفک اور عوامی زندگی متاثر نہ ہو اور قانون سب کے لیے یکساں لاگو ہو۔