بلوچستان میں موسم کی پیش گوئی: زیادہ تر اضلاع میں سرد اور خشک رہنے کا امکان

عسکر انٹرنیشنل رپورٹ

کوئٹہ، 8 دسمبر 2025: محکمہ موسمیات کے مطابق صوبے کے زیادہ تر اضلاع میں سوموار کے روز موسم خشک رہے گا، جبکہ ژوب، قلعہ عبداللہ، نوشکی، پشین، مسلم باغ، خاران، قلات، مستونگ، چاغی اور کان مہترزئی میں موسم جزوی ابر آلود سے ابر آلود رہنے کا امکان ہے۔

منگل کے روز صوبے کے بیشتر علاقوں میں موسم سرد اور خشک رہنے کی پیش گوئی ہے، جبکہ کوئٹہ، ژوب، قلعہ عبداللہ، پشین، خضدار، مستونگ، قلات، چاغی اور قلعہ سیف اللہ میں شدید سردی متوقع ہے۔ مزید برآں، قلات، مستونگ، نوشکی، پشین، قلعہ عبداللہ، کوئٹہ اور زیارت میں کم سے کم درجہ حرارت میں 2 سے 5 ڈگری سینٹی گریڈ کمی کا امکان ہے۔

گزشتہ 24 گھنٹے کے دوران صوبے کے بیشتر اضلاع میں موسم خشک اور سرد رہا، جبکہ شمالی اور شمال مغربی اضلاع میں رات کے وقت شدید سردی رہی۔ سب سے کم درجہ حرارت زیارت میں منفی 2.3 ڈگری سینٹی گریڈ ریکارڈ کیا گیا، اور صوبے میں کہیں بھی بارش نہیں ہوئی۔